ABŞ-dən atəşkəslə bağlı mühüm təklif | Girovların taleyi necə olacaq?

HƏMAS və İsrail atəşkəslə bağlı sənədi nəzərdən keçirir. 60 günlük atəşkəsi nəzərdə tutan sənəd ABŞ Prezidentinin xüsusi nümayəndəsi Stiven Uitkoff tərəfindən razılaşdırılıb. Sənədi Fələstin əsilli amerikalı Bişara Bahbah təqdim edib.

Bu barədə Fələstin nümayəndə heyəti “Al-Mayadeen”ə açıqlamasında bildirib.

Qeyd edək ki, Bişara Bahbah ABŞ-HƏMAS danışıqlarında da vasitəçidir. Atəşkəs razılaşması barədə davam etsək, sənəd 60 günlük sabitlik qarşılığında sağ qalan 10 israilli girovun mərhələli şəkildə İsrailə qaytarılmasını əks etdirir. Bunun fonunda HƏMAS 90 günlük atəşkəs təklif edir. Bu təklifdə 10 israilli girovun 5-i sağ qaytarılacaq, digər 5-nin meyiti təhvil veriləcək.

ABŞ isə 70 günlük atəşkəs üzıərində dayanıb və hazırda sənədin bu versiyası müzakirə olunur. Çünki tərəflər 60 günlük atəşkəslə bağlı ortaq məxrəcə gələ bilmirlər.

Atəşkəs əldə olunsa, müharibənin sülhlə yekunlaşması istiqamətində danışıqlar da aparılacaq. Əsas şərtlər arasında HƏMAS-ın İsrailə hücumları dayandırması, Qəzzanın bərpası və sektorda texnokratiyanın qurulması var.