ABŞ-dən sensasiyalı gediş | Yaxın Şərqdə yeni hərbi taktikaya start verilir - Baku TV

ABŞ-nin Yaxın Şərq bölgəsindəki silahlı qüvvələri yerüstü bölmələrə birbaşa aviasiya dəstəyi üçün nəzərdə tutulmuş "A-10 Thunderbolt II" hücum təyyarələrindən İranın pilotsuz uçuş aparatlarına qarşı mübarizə məqsədilə istifadə etməyə başlayıb.

Bunu ABŞ Silahlı Qüvvələrinin Mərkəzi Komandanlığının materialları təsdiq edir.

"Army Recognition" nəşri xəbər verir ki, hücum təyyarəsinin döyüş uçuşu zamanı "X" sosial şəbəkəsində yayımlanan fotolarında qanadların altında dronları məhv etmək üçün lazer istiqamətləndirmə sistemi ilə təchiz olunmuş "APKWS II" idarəolunan raketləri, həmçinin PUA-ların məhv edilməsi üçün tətbiq edilə bilən raketləri qeydə alınıb.

Bundan əlavə, təyyarə ştat qaydasında yeddilüləli fırlanan bloka malik 30 mm-lik "GAU-8" aviasiya topu ilə silahlanıb.

Hazırda İordaniya ərazisində yerləşən hərbi hava bazasında 10 maşından ibarət "A-10 Thunderbolt II" hücum təyyarələri eskadronu dislokasiya olunub.