ABŞ-dən Yaponiyaya mühüm təklif | Hədəfləri ələ keçirmək üçün...
Yaponiya və ABŞ hipersəs hədəflərini ələ keçirmək üçün nəzərdə tutulan yeni raketin hazırlanmasına birgə təxminən 3 milyard dollar xərcləməyi planlaşdırır.
Bu barədə Yaponiyanın KİV məlumat yayıb.
Xəbərdə bildirilib ki, bu təşəbbüslə Amerika Birləşmiş Ştatlarının Müdafiə Nazirliyi Yaponiyaya müraciət edib. Tokio da bu məqsədlər üçün 1 milyard dollara yaxın vəsait ayıracaq.
Məlumat üçün bildirək ki, sözügedən bu raketlər hədəflərinin qısa müddətdə trayektoriyasını təyin edərək ona dəqiq zərbə endirmə imkanına malik olacaq. Adi müdafiə sistemi ilə müqayisədə bu silahlar kosmosdan atmosferə daxil olmağa hazırlaşan hipersəs raketlərini də tez bir zamanda elə havada ikən zərərsizləşdirə biləcək.
Onu da qeyd edək ki, tərəflər bu silahı 2030-cu ilin ikinci yarısına qədər yekunlaşdırmağı planlaşdırır.
Xatırladaq ki, bu, Yaponiya və ABŞ arasında ikinci belə hərbi müştərək proyektdir. İlk dəfə tərəflər Raket-3 Blok 2A hərbi arsenalının ərsəyə gətirilməsi fonunda iş birliyi qurub.
![icon](/images/loading.png)