ABŞ nəşrindən iddia: 1200 nəfərin ölümündən İsrail günahkardır

ABŞ-nin məşhur “The New York Times” nəşri sənədlərə və yazışmalara istinadən sensasiyalı məlumat yayıb.

Xəbərə görə, İsrail kəşfiyyatı HƏMAS-ın hücum planından bir il əvvəl xəbərdar olublar.

Nəşrdə qeyd olunub ki, İsrail Ordusu və kəşfiyyat rəsmiləri hücum planının həyata keçirilməsinin çox çətin olduğunu hesab edərək hərbi qruplaşmanın gələcək hədəflərini ciddiyə almayıblar.

Məlumata görə, kod adı “Yerixo divarı” olan və təxminən 40 səhifədən ibarət olan bu sənəddə oktyabrın 7-də həyata keçirilən və 1200-ə yaxın insanın ölümü ilə nəticələnən işğal detallı şəkildə təsvir edilib.

Bundan əlavə, sənəddə İsrail qoşunlarının yeri və gücü haqqında ətraflı məlumat da öz əksini tapıb. Bu da öz növbəsində HƏMAS-ın kəşfiyyat məlumatlarını necə toplaması və İsrailin təhlükəsizlik strukturlarında sızmaların olub-olmaması barədə suallar doğurur.