ABŞ-nin Çinə gözlənilməz məğlubiyyəti

Yaxın Şərqdə baş verən son siyasi hadisələr diqqəti xüsusilə cəlb edir.

Səudiyyə Ərəbistanı Çinin vasitəçiliyi ilə illərdir düşmən olduğu İran və Suriya ilə tarixi diplomatik sazişlər imzaladı. Nəticədə Səudiyyə Ərəbistanının Yəmən və Suriya uğrunda apardığı müharibə bir müddətlik dayandırılır. Bu isə illərdir regionda siyasi proseslərin mərkəzində olan ABŞ-nin oyundan kənar vəziyyətdə qalmasına səbəb olub.

Çini narahat edən bir digər məsələ isə Tayvanla birgə sahib olduğu boğazlardır. Çünki ticarətinin 80 faizindən çoxunu məhz onlar vasitəsilə həyata keçirən Çin bu yollarda ABŞ və ya NATO hərbi gəmilərini görmək istəmir. Üçüncü məsələ isə Yaxın Şərqdə artıq ABŞ-yə etibarın olmamasıdır. Çin də bunu ələ düşən qızıl fürsət olaraq görür.

Ekspertlər düşünür ki, Çinin məqsədi qloballaşan dünyada Qərb və NATO təhdidinə qarşı müttəfiqlərin sayını artırmaq, dəniz ticarətinin fərqli istiqamətlər üzrə şaxələnməsi üçün əlavə yollar axtarmaqdır. Həm də Çin ABŞ siyasətindəki mürəkkəblikdən və qeyri-stabillikdən istifadə edərək öz mövqeyini yaxşı şəkildə möhkəmləndirməyə çalışır.