ABŞ nüvə probleminin həlli üçün birbaşa danışıqlara hazırdır?

Böyük Britaniya, Fransa və Almaniya İranın mübahisəli nüvə proqramı ilə bağlı BMT-nin sanksiyalarının 30 günlük bərpa prosesinə başlayıb.

“Reuters”də yayılan məqalədə qeyd olunub ki, bu addım İsraillə ABŞ-nin İranı bombalamasından iki ay sonra vəziyyəti gərginləşdirəcək.

İranın yüksəkvəzifəli məmurlarından biri Avropa üçlüyünü diplomatiyaya zərbə vurmaqda günahlandırıb və İslam Respublikasının təslim olmayacağını söyləyib.

Qeyd edək ki, sözügedən sanksiyalar 2015-ci ildə əldə olunan nüvə razılaşmasına görə geri götürülmüşdü. Fransa indi də sanksiyaların bərpasını diplomatiyanın sonu saymır. Almaniya isə İranı Atom Enerjisi üzrə Beynəlxalq Agentliklə işləməyə çağırıb.

Digər çağırış İranın sentyabrda ABŞ ilə birbaşa danışıqlara başlamağından ibarətdir. İran sanksiyaların bərpasını qanunsuz və təəssüf doğuran adlandırıb. Hərçənd dialoq hələ də mümkündür.