ABŞ olmasa, mövcud ola bilməzlər | Mark Rutte NATO-ya üzv dövlətlərə səsləndi

“NATO-ya üzv dövlətlər müharibənin qarşısını almaq üçün müdafiə xərclərini artırmalıdırlar”.

Bunu NATO-nun baş katibi Mark Rutte Brüsseldə Böyük Britaniyanın Baş naziri Keir Starmerlə keçirdiyi mətbuat konfransında deyib.

“Müharibənin qarşısını almaq üçün biz daha çox xərcləməliyik. Ümum Daxili Məhsulun 2%-i bizi təhlükəsiz saxlamaq üçün kifayət deyil. Biz əhəmiyyətli dərəcədə daha çox xərcləməliyik”, – deyə NATO baş katibi əlavə edib.

O eyni zamanda qeyd edib ki, Avropa İttifaqına üzv ölkələr ABŞ-nin iştirakı olmadan özlərini müdafiə edə bilməyəcəklər.

“NATO-nun ABŞ olmadan mövcud ola biləcəyi ilə bağlı fərziyyə bir çox səbəblərə görə yanlışdır. ABŞ-siz Avropanın müdafiəsi bir çox səbəblərə görə mövcud ola bilməz”, – deyə o bildirib. Mark Rutte həmin səbəbləri açıqlamayıb.

Baş katib söyləyib ki, Şərqi Avropada davam edən müharibə sadəcə Rusiya ilə Ukrayna arasında müharibə deyil, geosiyasi məsələdir. Avropa İttifaqı və ABŞ ümumi ərazilərini birlikdə müdafiə etməyə qadirdir.