ABŞ Ordusu hərəkətə keçdi | Silahlı qruplaşmadan Britaniya gəmisinə hücum

19 fevral 2024 277 baxış

Böyük Britaniyaya məxsus yük gəmisi Ədən körfəzi yaxınlığında husilərin hücumuna məruz qalıb.

“Ənsar Allah” qruplaşması baş verən hadisə ilə bağlı açıqlama verərək faktı təsdiqləyib. Birləşmiş Krallığın Dəniz Ticarəti Əməliyyatları üzrə Agentliyi də sözügedən hücuma dair məlumat yayıb.

Qeyd olunub ki, hadisə nəticəsində ölən və yaralanan yoxdur. Agentliyin xəbərinə görə, gəmi hücumdan əvvəl Birləşmiş Ərəb Əmirliklərindən Bolqarıstanın Varna şəhərinə doğru hərəkət edirmiş.

Xatırladaq ki, bundan əvvəl ABŞ Mərkəzi Komandanlığı husilərin hücumu fonunda qruplaşmanın hərbi texnikasını hədəf alaraq 5 hava hücumu həyata keçirib. Əməliyyat çərçivəsində “Ənsar Allah” hərəkatının nəzarətində olan ərazilərdə gəmi əleyhinə qanadlı raketlər, pilotsuz sualtı və suüstü gəmilər aşkar olunub. Mərkəzi Komandanlıq rəsmiləri husilərin oktyabrın 23-dən bəri ilk dəfə sualtı gəmidən istifadə etdiyini vurğulayıb.

#ABŞ