ABŞ qoşunlarının Yaxın Şərq bazalarından çıxarılması planlaşdırılır - Baku TV
Amerika Birləşmiş Ştatlarının Müdafiə Nazirliyi İranla mümkün münaqişə fonunda Yaxın Şərqdə yerləşən və zərər görmüş bir sıra hərbi bazalardan qoşunların çıxarılması ehtimalını nəzərdən keçirir.
Bu barədə ABŞ-nin müdafiə naziri Pit Heqset Sinqapurdakı ABŞ səfirliyində jurnalistlərə açıqlamasında bildirib.
Onun sözlərinə görə, yekun qərar ABŞ Prezidenti Donald Trump tərəfindən ölkənin gələcək fəaliyyət istiqamətinə uyğun olaraq veriləcək.
“Biz regiondakı tərəfdaşlarımızla münasibətləri yüksək qiymətləndiririk. Bu qərarlar əldə olunacaq nəticələr əsasında qəbul ediləcək”, – deyə Heqset bölgədəki bəzi bazaların bərpasından imtina olunması və qoşunların həmin ərazilərdən çıxarılması ehtimalını şərh edərkən bildirib.
Pentaqon rəhbəri qeyd edib ki, ABŞ qüvvələri hazırda mövqelərini qoruyur və İran münaqişənin nizamlanması ilə bağlı sazişi qəbul etməyəcəyi təqdirdə hərbi əməliyyatları yenidən başlamağa hazırdır.
Bununla yanaşı, o, Tehranın ABŞ ilə aparılan danışıqlar zamanı nüvə proqramı ilə bağlı ambisiyalarından imtina edəcəyinə inandığını bildirib.
“Prezident gələcəkdə bu qərarları hadisələrin necə inkişaf edəcəyinə əsasən verməli olacaq. Lakin əminəm ki, Amerika xalqının maraqlarına uyğun bir razılaşma əldə ediləcək”, – deyə Heqset vurğulayıb.
#ABŞ Müdafiə Nazirliyi teqi istifadə olunub
- Pentaqon ilk dəfə Al agentlərinə məxfi sənədlərlə işləməyə icazə verdi
- ABŞ böhranla üz-üzədir | Pentaqon
- ABŞ-nin müharibə nazirindən İrana sərt sözlər | "Onlar bunu etməlidirlər!" - ANA XƏBƏR
- ABŞ 2200–2500 nəfərlik dəniz piyadası birliyini Yaxın Şərqə transfer edib
- “Türkiyə nüvə bombası istəyirsə...” | Pentaqonun sabiq rəsmisindən açıqlama
