ABŞ və Britaniyadan Ukraynaya növbəti dəstək

“Rusiya Ukraynada dağıntılar törətməyə davam etdikcə, biz bu ölkəni yenidən bərpa etmək üçün buradayıq”.

Bunu Londonda keçirilən Ukraynanın bərpası üzrə konfransda çıxış edən ABŞ dövlət katibi Entoni Blinken deyib.

O bildirib ki, ABŞ Konqresi Ukrayna üçün əlavə 1,3 milyard ABŞ dolları məbləğində yardım paketini təsdiqləyib: “Biz Ukraynaya enerji şəbəkəsini əsaslı təmir etmək üçün 520 milyon dollardan çox sərmayə qoyacağıq. Bunu etməklə ölkəni daha təmiz hala gətirərək onun Avropaya inteqrasiyasını tezləşdirəcəyik. Bu ölkənin bir gün böyük dövlətə çevrilməsinə imkan verəcək daha çox özəl sərmayə qoyuluşu üçün Ukraynanın enerji bazarı islahatlarını dəstəkləyəcəyik”.

Qeyd edək ki, Böyük Britaniyanın Baş naziri Rişi Sunak da yaxın üç il ərzində Ukraynaya 3 milyard dollar dəyərində maliyyə yardımı edəcəyini açıqlayıb.