Ağ Ev İsrailə təzyiq edərək... | Hərəkatın siyasi bürosunun üzvündən vacib açıqlama

HƏMAS hərəkatı Qəzza ilə bağlı danışıqlarda iştirak etmək üçün şərtini açıqlayıb.

Qruplaşmanın Siyasi bürosunun üzvü Usamə Həmdan "Associated Press" agentliyinə müsahibəsində bildirib ki, bu, ABŞ Prezidenti Cozef Baydenin səsləndirdiyi və beynəlxalq səviyyədə təsdiqlənən təklifin həyata keçirilməsinə əsaslanacağı halda mümkündür:

“HƏMAS danışıqlarda iştirak etmək üçün heç bir səbəb görmür. Problem ondadır ki, ABŞ İsraili məsuliyyətə cəlb etmək üçün real səy göstərmir. Ağ Ev İsrailə təzyiq edərək bu zəmanətləri və vədləri yerinə yetirməlidir.

Əgər bu baş verməzsə, fələstinlilər niyə Amerikanın roluna və ya Amerikanın verdiyi hər hansı zəmanətə yenidən etibar etsin?”.

Xatırladaq ki, Misir, Qətər və ABŞ İsrail və HƏMAS-ı atəşkəslə bağlı müzakirələri bərpa etməyə çağırıb. Üç ölkənin liderləri razılaşmanın əldə edilməsi üçün yekun təklif təqdim etməyə hazır olduqlarını bildiriblər.