Alimlərdən parazitlərlə bağlı maraqlı araşdırma | Detallar üzə çıxdı

Beynəlxalq alimlər qrupu parazitlərin ifraz etdiyi hissəciklərin bağırsaq xəstəliklərində iltihabı azalda biləcəyini aşkar edib.

Dörd illik bir araşdırma parazit qurd Ascaris suum tərəfindən istehsal olunan hüceyrədənkənar veziküllərin kolitli siçanlarda iltihabı əhəmiyyətli dərəcədə azaltdığını müəyyənləşdirib. Xroniki mədə-bağırsaq xəstəlikləri qrupuna xoralı kolit də daxildir.

Tədqiqat Danimarkanın Orhus Universitetinin professoru Peter Naisumla birgə reallaşdırılıb. Laboratoriya təcrübələri aparılıb. Parazitin hüceyrədənkənar vezikülləri qan hüceyrələrini hədəf alaraq iltihabı azaldır.

Nümunələr Avstraliyaya göndərilib, burada alimlər onları kolitli 130 gəmirici üzərində sınaqdan keçiriblər. Nəticələr heyvanların vəziyyətində əhəmiyyətli bir yaxşılaşma olduğunu təsdiqləyib.

Alimlər üçün növbəti addım veziküllərin bədənə təsir mexanizmlərini öyrənmək və onların sintetik analoqunu hazırlamaqdır.