Almaniyadan Yaxın Şərqlə bağlı mesaj

Almaniya hökuməti Yaxın Şərqdəki gərginlik və bir çox Avropa ölkəsinin Fələstin dövlətini tanımaq qərarı fonunda öz rəsmi mövqeyini açıqlayıb. Baku TV-nin süjetində qeyd olunur ki, Almaniya Kansleri Fridrix Merts və hökumət nümayəndələri Fələstin dövlətinin tanınmasını prosesin başlanğıcı deyil, yalnız "iki dövlətli həll" yolunda danışıqların yekun mərhələsi kimi gördüklərini bəyan ediblər. Almaniya digər qonşu Avropa dövlətlərindən fərqli olaraq, hazırkı mərhələdə Fələstini müstəqil dövlət kimi tanımaqdan imtina edir və bunun üçün birbaşa İsrail-Fələstin danışıqlarının zəruriliyini vurğulayır. Reportajda Almaniyanın İsrailin təhlükəsizliyinə verdiyi dəstək, Qəzzadakı humanitar vəziyyətə dair narahatlıqlar və Berlinin regionda sülhün bərpası üçün irəli sürdüyü diplomatik şərtlər ətraflı təhlil olunur.