Dünya
Pleyeri seçin:
Anasına zəng edib deyib ki... | Türkiyədə yanğın ailə faciəsinə səbəb oldu
Türkiyənin Bolu şəhərində yerləşən hoteldə baş verən yanğında ölənlərdən 14-ü bir ailənin üzvü olub.
Bu barədə yerli media məlumat yayıb.
Bildirilib ki, onlar “Türk Hava Yolları”nın əməkdaşı Zəhra Səna Gültəkinin ailəsi olub.
Xəbərə görə, Zəhra Səna Gültəkin məktəblərdə tətil olduğu üçün 3 övladı və 9 qohumu ilə birlikdə kurort mərkəzinə istirahətə gedib. Ancaq dəhşətli hadisədə Zəhra Səna Gültəkin ailəsi ilə birlikdə həlak olub. Onun hadisə baş verən zaman anasına zəng edərək halallıq istədiyi də məlum olub.
Xatırladaq ki, Türkiyənin Bolu vilayətində yerləşən xizək mərkəzindəki hoteldə baş verən yanğında 76 nəfər həyatını itirib, 50-dən çox insan yaralanıb. Türkiyənin daxili işlər naziri Ali Yerlikaya isə bildirib ki, yanğınla bağlı başladılan istintaq çərçivəsində 9 nəfər saxlanılıb.
Kopyalandı
Seçilmişlər
