Andrey Sibiqadan Ukraynanın Müstəqillik Gününə dair açıqlama

“Ukraynanın Müstəqillik Günü bizə güclü bir xatırlatmadır. Biz təkcə Ukraynanın sərhədlərini deyil, həm də beynəlxalq qaydalara əsaslanan nizamı və ümumbəşəri insan dəyərlərini müdafiə edirik”.

Bu sözləri Ukraynanın xarici işlər naziri Andrey Sibiqa “X” hesabında yazıb.

Onun sözlərinə görə, Kiyevin müstəqilliyi Avropa təhlükəsizliyinin və dünya üzrə azadlığın gələcəyinin təməl daşıdır.

Ölkə tərəfdaşlarına minnətdarlığını bildirən nazir həqiqət və ədalətin qalib gəlməsi üçün əsas şərtin birlik olduğunu vurğulayıb.

Qeyd edək ki, avqustun 24-ü Ukraynanın Dövlət Müstəqilliyi Günüdür.

Daha bir açıqlama Ukrayna Silahlı Qüvvələrinin Ali Baş Komandanı Aleksandr Sırskidən gəlib.

“Biz artıq on ikinci ildir ki, azadlığımız üçün mübarizə aparırıq. Dördüncü ildir ki, genişmiqyaslı işğalı dəf edirik. Ukrayna xalqı heç vaxt öz müstəqilliyindən əl çəkməyəcək”, – deyə Komandan “Telegram” hesabında yazıb.