Pleyeri seçin:
Atəş açan şəxs zərərsizləşdirilib - Baku TV
Amerika Birləşmiş Ştatların paytaxtı Vaşinqtonda Ağ Evin yaxınlığında atəş səslərinin eşidildiyi, jurnalistlərin isə təhlükəsizlik məqsədilə brifinq zalına sığınmağa məcbur edildiyi bildirilir.
Bu barədə ABŞ mediasından olan jurnalistlər sosial şəbəkələrdə məlumat yayıblar.
“ABC News” müxbiri Selina Van Ağ Evin binasında olarkən çoxsaylı atəş səsləri eşitdiyini bildirib.
Federal Təhqiqat Bürosunun direktoru qeyd edib ki, FTB əməkdaşları hadisə yerinə gəlib və Məxfi Xidmətə dəstək veriblər.
Onun sözlərinə görə, naməlum şəxs 17-ci küçə və Pensilvaniya prospektinin şimal-qərb hissəsində yerləşən nəzarət-buraxılış məntəqəsinə yaxınlaşıb.
İlkin araşdırmaya görə, həmin şəxs çantasından silah çıxararaq növbədə olan əməkdaşlara atəş açmağa başlayıb. Məxfi Xidmət əməkdaşları cavab atəşi açaraq şübhəlini yaralayıblar. O, yerdə xəstəxanaya çatdırılsa da, aldığı yaralardan həyatını itirib.
Kopyalandı
Seçilmişlər
