“Atəşkəs əldəolunmaz görünür” | Bayden Rusiyanı niyə dayandıra bilməmişdi?

"Nəzərə alsaq ki, Rusiya Ukraynaya qarşı raket və pilotsuz təyyarə hücumlarını dayandırmayıb və genişmiqyaslı müharibə başlayandan bəri Kiyevə ən ağır bombardmanlarından birini həyata keçirib, ABŞ Prezidenti Donald Trampın bu müharibəni tez bir zamanda bitirə biləcəyi ilə bağlı iddialarına rəğmən hələ də onun sona çatmasından çox uzağıq".

Bu barədə amerikalı analitiklər Ceffri Zonnenfeld və Stiven Tyan "Fortune" nəşrinə bildiriblər.

Qeyd olunub ki, Rusiya lideri Vladimir Putinlə Alyaskada keçirilən sammit zamanı Ağ Ev rəhbərinin ciddi nəticələrlə hədələməsinə baxmayaraq, atəşkəs əldəolunmaz görünür.

Nəşr ABŞ-nin keçmiş prezidenti Co Baydenin Rusiyaya qarşı tətbiq etdiyi sanksiyaların əhəmiyyətli olduğunu, lakin kifayət qədər sərt olmadığını bildirir.

Bundan əlavə, Ukraynaya hərbi yardım göndərilməsi də tez-tez gecikirdi.

“Son 8 ayda verilən sərt bəyanatlara baxmayaraq, Tramp hələ də Kreml rəhbərinə real təzyiq göstərmək istəmir”, ‒ nəşr əlavə edib.