Avqust ayına qədər... | Canlıların hücumu barədə həyəcan təbili çalındı

La-Manş boğazı səkkizayaqlıların hücumuna məruz qalıb. Buna səbəb Şimali Atlantik okeanında suyun temperaturunun əhəmiyyətli dərəcədə artmasıdır.

"Bloomberg"in verdiyi məlumata görə, bu dəyişikliklər ekoloqlarla bioloqlar arasında narahatlıq yaradır.

Ötən il səkkizayaqlı ovunda 2 dəfədən çox artım olub. Mayda İrlandiya sahillərindən qərbdə suyun səth temperaturu normadan 4°C, Böyük Britaniya sahilləri yaxınlığında isə 2,5°C yüksək olmuşdur ki, bu da bütün zamanlar üzrə aparılan tədqiqatlar dövründə rekord göstəricidir.

Ekspertlər xəbərdar edirlər ki, avqust ayına qədər suyun istiləşməsi rekord səviyyəyə çata bilər.

Alimlər bildirirlər ki, La-Manş boğazında səkkizayaqlı sayının artması onların qidası olan kiçik molyuskların populyasiyasının azalmasına səbəb ola bilər.

Bundan əlavə, boğazda suyun istiləşməsi səbəbindən belə şəraitdə rahat yaşayan daha çox meduza və dəniz ləvrəyi çoxalır.

Eyni zamanda Böyük Britaniyanın Ekologiya və Balıqçılıq Mərkəzindən olan bioloqların məlumatına görə, dənizdə qida zəncirinin əsasını təşkil edən planktonun miqdarı da boğazda azalır.