Avropa İttifaqı Rusiya səhmlərini Kiyevə göndərə bilmir, Almaniya isə ordunu böyüdür

“Ukrayna tez, ya da gec Rusiya ilə danışıqlar aparmalı olacaq. Kiyevin dialoq şərtləri hər gün daha da pisləşəcək”.

Bunu Rusiya Prezidentinin mətbuat katibi Dmitri Peskov deyib.

Ümumiyyətlə, Pokrovsk şəhərini nəzarətə götürməyə çalışan Rusiya sülh danışıqlarından imtinada Ukrayna tərəfini günahlandırır. Kiyev isə bunu Kremlin kapitulyasiya tələbi ilə əsaslandırır.

Avropa İttifaqına üzv dövlətlərin maliyyə nazirlərinin Brüsseldə toplantısı keçirilib. Əsas müzakirə mövzusu Ukraynaya yardım olub. Bu istiqamətdə isə Rusiyanın dondurulmuş səhmlərinin Kiyevə yönəldilməsi məsələsində razılıq əldə edilməyib. Çünki Rusiyanın əksər aktivləri Belçikadadır və Brüssel bu ideyaya ehtiyatla yanaşır.

Almaniya orduda şəxsi heyət sayını artırmaq istəyir. Səfərbərlik könüllü formada aparılacaq və sərfəli təkliflər hesabına reallaşdırılacaq.

Belə ki, könüllülərə 2600 avro, təxminən 5100 manatadək aylıq əməkhaqqının verilməsi planlaşdırılır. Altıaylıq xidmət sayəsində ehtiyatda olan hərbçilərin sayı 100 minə qədər artırıla bilər. 2030-cu ilə qədər isə hərbi qulluqçuların sayının 260 minə çatdırılacağı gözlənilir. Səbəb Rusiyanın yarada biləcəyi təhdidlərdən müdafiədir. Almaniya bununla həm də NATO-nun silahlanma planlarını həyata keçirir.