Avropa Rusiyaya cavabını belə verir! - Dəhşətli zərbə aləmi bir-birinə vurdu!

Ukraynanın dəmiryol infrastrukturu zərbələrə məruz qalıb.

Rusiya Müdafiə Nazirliyinin məlumatına görə, 149 rayonda müxtəlif obyektlər vurulub.

Ukrayna tərəfi dəmiryol infrastrukturuna hücum xəbərini təsdiqləyib.

Bildirilib ki, bu səbəbdən Lvov-Zaporojye-Volqoqrad, Kiyev-Krivoy Roq, Lvov-Dnepr istiqamətində qatarların hərəkətində yubanmalar olacaq.

Ukrayna Silahlı Qüvvələrinin Baş Qərargahından bildirilib ki, Rusiya Ordusu sutka ərzində 172 PUA və 2 raketlə hücum edib. 13 ərazidə hədəflər vurulub, 136 dron zərərsizləşdirilib.

Bu arada Rusiyanın xarici işlər naziri Sergey Lavrov bildirib ki, Ukraynanın təhlükəsizlik zəmanəti BMT Nizamnaməsinə uyğun təmin edilməlidir. O, Qərb sülhməramlılarının Ukraynada yerləşdirilməsinə də qarşı çıxıb və qeyd edib ki, bu baş verərsə, həmin kontingent Rusiyanın qanuni hədəfinə çevrilə bilər.

S.Lavrov Kiyev hökumətinin “savaş partiyası”na güvəndiyini deyib. Onun fikrincə, Avropa və Amerikanın, ələlxüsus da Konqresin bəzi siyasətçiləri bu partiyanın üzvüdür.

Kremlin sözçüsü Dmitri Peskov bildirib ki, Rusiya Ukraynadakı situasiyanın siyasi və diplomatik yolla nizamlanmasının tərəfdarıdır və danışıqlara açıqdır.

Sonda qeyd edək ki, Rusiya PUA-larının Polşanın hava məkanını pozmasından sonra Avropa şərq sərhədlərinə “dron səddi” çəkmək istəyir. Məqsəd qəfil dron hücumlarından müdafiəni gücləndirməkdir. Avropa İttifaqı Ukrayna ilə “PUA alyansı” da qurmağı planlaşdırır.