Azad edilən 85 yaşlı qadın danışdı: girovlara nə edilirdi?

Oktyabrın 23-ü HƏMAS-ın azad etdiyi iki yaşlı girovdan biri Yoçeved Lifşits yəhudi mediasına müsahibə verib.

"Əsl cəhənnəmdən keçdim və ələ keçirildiyim gün dəfələrcə döyüldüm” deyən qadının sözlərinə görə, onlar bütün girovları dəyənəklərlə döyürdülər.

“Gəzə bilmədiyimi desəm də, zorla yeriməyə məcbur etdilər. Sonra üzü maskalılar mənim qolumdan saatımı və qızıl-zinət əşyalarımı zorla çıxartdılar. Onlar məni və digər girovları kilometrlərlə nəm torpağın üstü ilə yeriməyə məcbur edirdilər. Mən həyatımın ən qorxunc anlarını orada yaşadım. Oradan sağ çıxa biləcəyimə ümidim yox idi”, – Y.Lifşits söyləyib.

85 yaşlı Y.Lifşits 83 yaşlı həyat yoldaşı Oded ilə Qəzza sərhədinə yaxın ərazidə yerləşən evindən qaçırıldıqlarını bildirib. Girovlar saxlanılan yeraltı bunkerdə Odedə rast gəlmədiyinə görə onun sağ qalmasından əmin deyil.

HƏMAS tərəfi isə açıqlamasında 85 yaşlı Y.Lifşits və 79 yaşlı Nurit Kuperi səhhətinə görə sərbəst buraxdığını bildirib.

Xatırladaq ki, HƏMAS 200-dən çox insanı girov saxlayır.