Azadlığımızı itirə bilərik | Bayden son nitqində xalqa xəbərdarlıq etdi

“Şübhə etmirəm ki, Amerika uğur qazanmağa davam edəcək. Bu mənim vida çıxışımdır. Öz nitqimdə ölkəni və məni narahat edən bəzi şeylər barədə sizi xəbərdar etmək istəyirəm. Gücün ultra varlı insanların əlində cəmləşməsi və onların hakimiyyətdən sui-istifadəsi nəzarət altına alınmazsa, bu, təhlükəli nəticələrə səbəb olacaq”.

Bu barədə ABŞ Prezidenti Co Bayden vida müraciətində danışıb.

“Bütün demokratiyamızı, hüquqlarımızı, azadlığımızı və ədalətli cəmiyyətimizi oliqarxiyaya görə itirə bilərik. İtirməyə zaman yoxdur. Biz qazanmalıyıq. Amerikanın texnologiya sahəsində liderliyi misilsizdir, hansısa fərdi ambisiyalarının vurğunlarına imkan vermək olmaz ki, bizim inkişafı ləngitsin. Biz Konstitusiyaya düzəliş etməliyik.

Prezident kürsüsündə oturan kimsə bu posta gəlməmişdən öncə nə edibsə, onun cavabdehliyini daşımalıdır. O, indi prezident seçildiyi üçün toxunulmazlığı var deyə cəzadan azad olunmamalıdır. Biz kimliyimizi qorumalı və mənliyimizi itirməməliyik”, – deyə Prezident əlavə edib.