Azərbaycan qazının tədarük olunduğu qaz kəmərində hücumdan sonrakı vəziyyət

Avqustun 6-da Ukraynanın cənubunda Rusiyanın pilotsuz uçuş aparatlarının hücumuna məruz qalmış “Orlovka” qaz kəməriAzərbaycan qazının tədarük olunduğu qaz kəmərində hücumdan sonrakı vəziyyət ilə təchizat bərpa edilib.

Bu barədə Ukraynanın qaz nəqli şirkəti məlumat yayıb.

Bildirilib ki, tədarük əvvəlki qaydada həyata keçirilir. Avqustun 7-də Rumıniya ilə sərhəddin yaxınlığında yerləşən kəmər vasitəsilə 420 min kubmetr qazın nəql edilməsi planlaşdırılır.

Qeyd edək ki, Rusiya Ukraynanın cənubunda, Odessa vilayətində ABŞ-dən mayeləşdirilmiş qaz və Azərbaycandan təbii qaz idxalı üçün istifadə olunan kompressor stansiyasına zərbə endirib. Stansiya Yunanıstanın mayeləşdirilmiş təbii qaz terminallarını Trans-Balkan qaz kəməri vasitəsilə Ukraynanın qaz anbarları ilə birləşdirən marşrut çərçivəsində istifadə edilir.