Baqratın görüş təklifinə Paşinyandan cavab | Şərtlər açıqlandı

Ermənistanın Baş naziri Nikol Paşinyan mayın 28-də Sərdarabad yaxınlığında bütün ermənilərin katolikosu ilə bağlı baş verən insidentə aydınlıq gətirib.

Bildirib ki, katolikos protokol tədbirlərinin baş verdiyi yerə gəlib. Ancaq Eçmiədzin kilsəsinin katolikosu II Qaregin tədbirə dəvət edilməyib.

“Polis yalnız katolikosun və onun rəhbərlik etdiyi hərəkat üzvlərinin təxribat törətmək niyyəti ilə gəlib-gəlmədiyini aydınlaşdırmağa çalışıb. Ziyarətin protokol xarakteri daşıdığına dair təminat alındıqdan sonra katolikosun abidəyə girişi təmin edilib”, – deyə Baş nazir vurğulayıb.

Hökumət başçısı həmçinin keşiş Baqrat Qalstanyanın onunla görüşmək istəyinə də aydınlıq gətirib.

Bildirib ki, istənilən şəxs bunun üçün müvafiq prosedurlardan keçməlidir. Baş nazir deyib ki, keşişlə yalnız digər vətəndaşların keçdiyi prosedurlar çərçivəsində görüşə bilər.