Baxmutda qızğın döyüş: Ukrayna hücuma keçdi

“Ukrayna Silahlı Qüvvələri Baxmut istiqamətindəki müdafiə mövqelərindən hücuma başlayıb”.

Bunu Ukrayna müdafiə nazirinin müavini Qanna Malyar bildirib.

Onun sözlərinə görə, son sutka ərzində Ukrayna Silahlı Qüvvələri Baxmut istiqamətində müxtəlif mövqelərdə 200 metrdən 1 100 metrə qədər irəliləyib. Rusiya Ordusunun bölmələri isə bu istiqamətdə müdafiəyə keçib və öz mövqelərini qoruyub saxlamağa çalışır.

Qeyd edək ki, Rusiyanın şəhərə genişmiqyaslı hücumu başlayandan Baxmutda yüzlərlə insan həlak olub. Şəhər meri Oleksey Reva bildirib ki, ölənlər arasında uşaqlar da var.