Bayden İranla qarşı-qarşıya: İstənilən cavaba hazır olun!

ABŞ Prezidenti Cozef Bayden İrana xəbərdarlıq edib.

Bu barədə o, Avstraliyanın Baş naziri Entoni Albanizlə birgə keçirdiyi mətbuat konfransı zamanı fikir səsləndirib.

“Bizim İŞİD-in fəaliyyətini izləmək və onun yenidən güclənməsinin qarşısını almaq üçün Yaxın Şərqdə qoşunlarımız var və bunun İsraillə ümumiyyətlə heç bir əlaqəsi yoxdur. İranın dini liderinə gəldikdə isə ona bir daha xəbərdarlıq edirəm. Əgər onlar bizim həmin qoşunlarımıza qarşı olan fəaliyyətlərini davam etdirsələr, biz mütləq cavab verəcəyik və onlar istənilən cavaba hazır olmalıdırlar”, – deyə Bayden bildirib.

Qeyd edək ki, Bayden HƏMAS-ın İsrailə hücumundan sonra oktyabrın 12-də Ağ Evdə yəhudi icmasının nümayəndələri ilə görüşü zamanı da bənzər açıqlama ilə çıxış etmişdi və bildirmişdi ki, ABŞ Şərqi Aralıq dənizinə aviasiya daşıyıcı gəmi yerləşdirib. Buna görə də İrana ehtiyatlı olması barədə açıq-aydın xəbərdarlıq edilib.