Bayden Trampa görə hərəkətə keçdi | Donaldın hotelinin önündə qorxulu anlar

ABŞ-nin Nevada ştatının Las-Veqas şəhərində ölkənin yeni seçilmiş prezidenti Donald Trampın 64 mərtəbəli “Trump International” hotelinin qarşısında “Tesla” markalı elektrik maşınının partlaması nəticəsində 1 nəfər ölüb, 7 nəfər yaralanıb.

Bu barədə xarici KİV-də məlumat verilib.

Bildirilib ki, avtomobil hotelin qarşısında bir müddət dayandıqdan sonra nəqliyyat vasitəsindən tüstü çıxmağa başlayıb və daha sonra partlayış baş verib. Avtomobildə olan şəxs həlak olub.

ABŞ-nin hazırkı prezidenti Cozef Bayden hadisə ilə bağlı bildirib ki, ölkənin xüsusi xidmət orqanları Nyu-Orleanda baş vermiş terror aktı ilə Las-Veqasda “Tesla”nın partlaması arasında əlaqənin olub-olmadığını araşdırır.

“Biz Las-Veqasda “Trump Hotel” yaxınlığında baş vermiş hadisə ilə bağlı vəziyyəti izləyirik. Hüquq-mühafizə orqanları və kəşfiyyat xidmətləri də bu işi araşdırır, o cümlədən Nyu-Orleandakı hücumla hər hansı mümkün əlaqənin olub-olmadığını müəyyənləşdirir”, – deyə Amerika lideri partlayışla əlaqədar vətəndaşlara qısa müraciətində bildirib.