Baydenin çıxışı hamını çaşbaş saldı

ABŞ Prezidenti Cozef Bayden növbəti dəfə gündəmi zəbt etməyi bacarıb. Bu dəfə onun Kentukkiyə səfəri zamanı ölkəsinin gələcəyi ilə bağlı anlaşılmayan çıxışı tviter istifadəçilərini çaşdırıb.

“Ən yaxşı günlərimiz qabaqdadır. Mən bunu ürəkdən deyirəm. Uzun müddətdir ki, bunun üzərində işləyirəm. ABŞ-nin perspektivləri ilə bağlı danışarkən heç vaxt bu qədər nikbin olmamışam. Dünyanın 140-dan çox ölkəsində olmuşam. Köhnə qonşumun dediyi ifadəni xatırlatmaq istəyirəm: dünyanın qalan hissəsi “cins şalvarımızdakı yamaq” deyil. İstədiyimizi ediriksə, istədiyimizi etməliyik. Həmrəy olsaq, gücümüzün qarşısında heç nə dura bilməz”, - deyə o bildirib.

“Onun sözləri hər zaman olduğu kimi, yenə də başa düşülməyib. Bayden nə demək istəyib axı?”, - deyə amerikalılar Ağ Ev liderinin çıxışı ilə bağlı çaşqınlığını ifadə ediblər.