Belarus döyüş hazırlığına başladı? | İki ölkə arasındakı gərginlik pik həddə

Belarus Prezidenti Aleksandr Lukaşenko bildirib ki, Ukrayna qüvvələri Belarusun hava məkanını pozub və hava hücumundan müdafiə qüvvələri ölkənin hüdudları daxilində bir neçə hədəfi məhv edib.

Əlavə edib ki, Ukraynaya hər hansı təxribatın cavabsız qalmayacağı barədə xəbərdarlıq ediblər.

Belarus Xarici İşlər Nazirliyi də məlumat yayıb ki, Minsk Kiyevlə diplomatik əlaqələri kəsə bilər.

Daha sonra Belarusun BMT-dəki nümayəndəsi Valentin Rıbakov dünya ictimaiyyətinin diqqətinə xatırlatma edib:

“Bu cür təxribatlar təkrarlanacağı təqdirdə Belarus öz ərazisini qorumaq üçün cavab addımları atmaq hüququna malikdir”.

Bu kimi bəyanatlar gərginliyin artdığını göstərir. Bir tərəfdən də Avropa İttifaqı və ABŞ-nin Belarusa qarşı sanksiyaları genişləndirməsi də gərginliyi artıran səbəblərdən biri hesab olunur.

Sual yaranır ki, bu söz savaşı növbəti cəbhənin açılmasına səbəb ola bilərmi?