Belarus Litva və Polşaya təklif edir ki... | Lukanşenkodan sərt açıqlama

“Belarusun problemlərin diplomatik yolla həlli üçün atdığı addımlara Litva və Polşadan qarşılıq görmürük”.

Bunu Belarus Prezidenti Aleksandr Lukaşenko deyib.

“Ölkəmiz müharibə istəmir, amma başqasının ayağı torpağımıza dəysə, sərt cavab verəcəyik, vuruşacağıq. Biz ilk növbədə diplomatik yolla qonşularımızla münasibətlərimizi tənzimləmək üçün hər şeyi edəcəyik. Onlar bunu istəmirlərsə, başqa cür hərəkət etməli olacağıq”, – deyə A.Lukaşenko əlavə edib.

Onun sözlərinə görə, Belarus tərəfi Litva və Polşa ilə münasibətləri tənzimləməyi təklif edir, amma hələlik buna bir qarşılıq verilməyib.

“Biz hansı tərəfdən zərbənin gələcəyini bilmək üçün məcburuq ki, hər zaman qulaqlarımızı və gözlərimizi açıq saxlayaq”, – deyə A.Lukaşenko vurğulayıb.