Belqorod güclü atəşə tutuldu | Rusiya-Ukrayna müharibəsində son vəziyyət

Ukrayna Ordusu Rusiyanın Belqorod şəhərini, Şebekino rayonunu yenidən raket atəşinə tutub.

Bu barədə vilayətin qubernatoru Vyaçeslav Qladkov “Telegram” kanalında məlumat verib.

Bildirib ki, iyunun 26-dan 27-nə keçən gecə Belqorod səmasında 7 PUA zərərsizləşdirilib. Hadisə nəticəsində 3 yaşayış evinə, 2 avtomobilə ziyan dəyib.

Gecə saatlarında şəhərdə durmadan raket həyəcanı siqnalı verilib, rəhbərlik sakinlərə müraciət edərək sığınacaqlarda gizlənmələrini tələb edib.

Şebekinoya 14 kamikadze pilotsuz uçuş aparatı buraxılıb. PUA-nın partlaması nəticəsində mülki şəxslər xəsarət alıb, yaşayış evlərinə ziyan dəyib.

Bundan əlavə, Novaya Tavoljanka kəndi kamikadze pilotsuz təyyarənin hücumuna məruz qalıb. Nəticədə bir neçə nəfər yaralanıb.

Ukrayna Silahlı Qüvvələri Rusiyanın Tver vilayətini də atəşə tutub. PUA-nın hücumu nəticəsində aviasiya yanacağı istehsal edən zavod vurulub.