Belqorod şəhərinə hücum | Ölən və xəsarət alanlar var

Rusiyanın Belqorod şəhəri atəşə tutulub.

Şəhərin atəşə tutulması nəticəsində 29 nəfər yaralanıb, 1 nəfər ölüb.

Bu barədə Belqorod vilayətinin qubernatoru Vyaçeslav Qladkov “Teleqram”da məlumat verib.

“İlkin məlumata görə, 28 böyük və 1 uşaq bədənin müxtəlif nahiyələrindən qəlpə yaraları alıb”, – deyə region başçısı bildirib.

Qubernatorun sözlərinə görə, ölən şəxs qadındır, o, hadisə yerində keçinib.

V.Qladkov qeyd edib ki, hadisə nəticəsində çoxmərtəbəli binada 49 mənzilə və 4 ticari obyektə ziyan dəyib. Xeyli sayda avtomobil yanıb.