Berlin beynəlxalq dəniz missiyasına qoşulma ssenarilərini nəzərdən keçirir

Almaniya hökuməti Hörmüz boğazında gəmiçiliyin mühafizəsi əməliyyatına Bundesverin potensial cəlb edilməsi ssenarilərini qeyri-ictimai formatda nəzərdən keçirir.

Bu barədə yerli "Der Spiegel" nəşri yazır.

Nəşr qeyd edib ki, Berlinin hazırda maksimum ehtiyatlılıq nümayiş etdirməsinə baxmayaraq, pərdə arxasında Bundesverin Hörmüz boğazındakı hərbi əməliyyatda iştirakının müxtəlif variantları fəal şəkildə işlənib hazırlanır.

"Hərbi rəhbərliyin nümayəndələri vurğulayıblar ki, Almaniya təhlükəsizliyin təmin edilməsi üzrə beynəlxalq missiyaya qoşulmaq üçün, şübhəsiz ki, lazımi resurslara malikdir. Bununla belə, ilkin qiymətləndirmələrə əsasən, İran heç bir şərt altında boğaz üzərindəki nəzarəti güzəştə getməyə hazır deyil. Bu isə o deməkdir ki, beynəlxalq hərbi iştirakın Tehran üçün məqbul olması çətin görünür", – deyə "Der Spiegel" nəşri bildirib.