Bilsəm ki, Moskva bunu edib... | Trampdan Rusiyaya sərt mesaj

ABŞ Prezidenti Donald Tramp rusiyalı həmkarı Vladimir Putinə əsəbiləşdiyini açıqlayıb.

“Putinə əsəbiləşmişəm, lakin onunla çox yaxşı münasibətim var. İşlər düz getsə, qəzəbim tez soyuyacaq. Onunla bu həftə yenidən danışa bilərik”, − deyə o əlavə edib.

“Rusiya ilə Ukraynada müharibənin sonlandırılması barəsində razılığa gələ bilməsək və burada Moskvanın günahkar olduğunu anlasam, onların emal etdiyi istənilən növ neftə ikinci dərəcəli tariflər tətbiq edəcəyəm”, − deyə Tramp bildirib.

Qeyd edək ki, Ağ Ev rəhbəri Putinin Ukraynalı liderlə bağlı açıqlamasına qəzəblənib. Rusiya Prezidentinin Zelenskinin hakimiyyətini tənqid edərək keçid hökumətinin qurulmasını təklif etməsi ABŞ tərəfindən xoş qarşılanmayıb.

ABŞ Prezidenti ukraynalı həmkarı Volodimir Zelenskiyə də söz atmağı yadından çıxarmayıb.

“Zelenski hələ də Ukraynanın NATO-ya üzv olmasını istəyir, lakin bu, heç vaxt baş verməyəcək”, − deyə Tramp bildirib.