Blinken İsraillə bağlı fikrini dəyişdi | Türkiyə səfərinin pərdə arxası
“İsrail qırğınının dördüncü ayında Blinken “ayıldı”. Əslində o, HƏMAS-la müharibənin bu qədər uzanacağını düşünmürdü. O, öz səfər turuna Türkiyə ilə başladı. Türkiyə mətbuatını diqqətlə oxusanız, görərsiniz ki, Blinken tonunu kökündən dəyişib. O, sonuncu dəfə noyabr ayında burada olarkən demişdi: “ABŞ Qəzzada atəşkəsə qarşıdır və hesab edir ki, HƏMAS-ı məğlub etmədən bu, yalnız problemi davam etdirəcək”.
Bunu rusiyalı politoloq Maksim Şevçenko Blinkenin Türkiyə səfərinin səbəbini şərh edərkən deyib.
“İndi o, yalnız sülhdən danışır. Əgər əvvəllər Türkiyə danışıqlar prosesindən kənarlaşdırılırdısa, bu dəfə Ankara Yaxın Şərq turunda ilk ölkə oldu. Ərdoğanın HƏMAS-la sıx əlaqələri var, bu da onun vəziyyətə təsir etmək üçün yaxşı imkanlara malik olması deməkdir. Amma türklər birmənalı cavab verirlər: “Qəzza və HƏMAS birdir və müqavimət hərəkatı Qəzzanı idarə edəcək”.
ABŞ saysız-hesabsız müasir silah və maliyyə dəstəyinə baxmayaraq, Yaxın Şərqdəki quduz itinin bu qədər zəif olduğunu təsəvvür edə bilməzdi. Üç aydır ki, HƏMAS-la döyüşdə heç bir nailiyyət yoxdur! Ancaq böyük personal itkiləri, avadanlıq itkiləri, iqtisadi çöküş, Netanyahunun devrilməsi ilə bağlı etirazlar. Bir tərəfdən də Livan Hizbullahı döyüşə hazırdır. İndiki şəraitdə ABŞ Ukrayna, Fələstin və Livan, qismən də İran və Suriyanın öhdəsindən gələ bilməyəcək. Blinken, ümumiyyətlə, sülhə çağırır”, – o bildirib.
#ABŞ teqi istifadə olunub
- İranla bağlı məxfi plan | ABŞ və Çinin maraqları niyə toqquşur? - Baku TV
- ABŞ Çini dayandıra biləcək: Texnologiya və ticarət müharibəsinin yeni mərhələsi? - AKTUAL GÜNDƏM
- Böyük Britaniyanın Hörmüz həmləsi: boğaza toplanan qoşunlar hansı məqamda istifadə olunacaq?
- ABŞ-İran danışıqları niyə dayandırıldı? - Sərt xəbərdarlıq
- Çinə səfər edən Donald Tramp görün necə qarşılandı - Baku TV
