Blinken Türkiyəyə səfər edib | İstanbulda mühüm müzakirə

ABŞ Dövlət katibi Entoni Blinken Türkiyəyə səfəri zamanı xarici işlər naziri Hakan Fidanla görüşüb.

Görüş İstanbuldakı Vahdettin iqamətgahında reallaşıb.

Yerli mətbuatın yaydığı məlumata görə, Türkiyə Prezidenti Rəcəb Tayyib Ərdoğan da ölkədə səfərdə olan ABŞ Dövlət katibi Entoni Blinkeni qəbul edib.

Görüşün təfərrüatı barədə hələlik bir açıqlama verilməsə də, əsas müzakirə mövzusunun Qəzzadakı vəziyyət olduğu ehtimal edilir.

Qeyd edək ki, Entoni Blinken Türkiyəyə Yaxın Şərq ölkələrinə etdiyi səfər çərçivəsində gedib. Onun ilk dayanacağı da məhz Türkiyə olub. Dövlət katibi və onu müşayiət edən heyət Qəzza mövzusu ilə əlaqədar Türkiyədən sonra Yunanıstan, İordaniya, Qətər, Birləşmiş Ərəb Əmirlikləri, Səudiyyə Ərəbistanı, İsrail, Fələstin və Misirə də səfər edərək danışıqlar aparacaq. Səfər proqramı yaxın bir neçə ay davam edəcək.