Bu Avropa ölkələri üçün təhdid artır | “Köhnə qitə”ni yeni müharibə gözləyir?

“Rusiya Ordusu hücumlarda daha çox motosiklet və skuterlərdən istifadə edir. Bu taktika Ukraynanın müdafiə xəttini tez yarmağa kömək edir. İtkilər çox olsa da, hazırda Rusiyanın işinə yarayır”.

Bu barədə “The Telegraph” yazı bölüşüb.

“Buna min kiçik hücum taksitikası” da deyirlər. Motosikletlər minalanmış əraziləri tez keçməyə kömək edir. Belə hücumlar dron və artilleriya zərbələrindən yayınmaq üçün də faydalıdır.

Estoniyanın müdafiə naziri Hanno Pevkur isə hesab edir ki, bəzi Avropa ölkələri üçün təhdid artır. Təhlükə Ukrayna müharibəsi dayandırılandan sonra daha da qabaracaq. Finlandiya, Norveç, Polşa və Baltikyanı ölkələr üçün təhdid yaranacaq.

Rusiya bu dövrdə hərbi infrastruktur da yaradıb. Sadəcə hazırda Rusiyanın başı Ukraynadakı müharibəyə qarışıb.

“Yunian”da yayılan məlumata görə, sentyabrda döyüşlər dayansa, Rusiyanın Ukraynadakı hərbçiləri “Qərb-2025” təlimi bəhanəsi ilə Belarusa yerləşdiriləcək. Bununla da Litva və Polşa hədəfə çevrilir.

Ukraynadakı münaqişə Rusiyanın xeyrinə tamamlansa, Avropada müharibə riski artır.

ABŞ-nin Rusiyaya qarşı sanksiyalarda Avropa ilə tam həmrəy olmaması isə “köhnə qitə” üçün yeni problemin yaranma ehtimalını artırır.