Bu gün heç bir ölkə tam müstəqil deyil | Poqosyan
“Xarici siyasət proseslərində Ermənistan süfrə arxasında əyləşən ölkədən hər kəsin özü üçün ləzzətli bir loxma qoparmağa can atdığı yeməyə çevrilib”.
Bu sözlər yerli politoloq Tevan Poqosyana məxsusdur.
Onun sözlərinə görə, Nikol Paşinyan hökumətinin yeritdiyi xarici siyasət xətti kənar oyunçular üçün kifayət qədər açıq və aydındır:
“Bu addımların Ermənistanın suverenliyinin və müstəqilliyinin artırılması ilə heç bir əlaqəsi yoxdur. Ermənistan digər oyunçuların yeməsi üçün masanın üzərinə qoyulub.
Bu gün heç bir ölkə tam müstəqil deyil, çünki bu və ya digər sahədə hər bir ölkə başqalarından asılıdır. Ermənistana gəlincə, tam müstəqillikdən danışarkən nəyin nəzərdə tutulduğu aydın deyil.
Ümumi bir misal: ölkə daxili tələbatı tam ödəmək üçün öz sahələrində kifayət qədər buğda yetişdirə bilərmi? Ermənistan kənd təsərrüfatı mallarına olan tələbatı yalnız daxili imkanlar hesabına ödəyə bilərmi? Yox. O zaman tam müstəqillikdən danışmağa dəyməz”.
Qeyd edək ki, N.Paşinyan hökuməti Ermənistanın tarixinin ən müstəqil dövrünü yaşadığını iddia edir, təbliğatını da bu tezis üzərində qurur.