Bu üsul kasıbların köməyinə çatacaq | Nigeriyalılar çarəni belə tapdı

Dünyada gedən saysız-hesabsız müharibələrin fonunda, Afrikanın bir çox ölkələrində insanlar qida çatışmazlığı kimi problemlərdən əziyyət çəkirlər.

Bu ölkələrdən biri də Nigeriyadır. Ölkədə vəziyyətin pik həddə çatması səbəbindən məsələnin həlli artıq dövlətin nəzarətinə götürülüb. İnsanların qida ilə təmin olunması məqsədilə hazırlanacaq yeni bulyonların tərkibində dəmir, sink, folik turşusu və B12 vitamini əlavə ediləcək.

56 yaşlı sakin İdou Bello yeni texnikanın onun kimi kasıb insanların köməyinə çatacağına inanır:

“Balıq, ət kimi zülallarla zəngin olan bu qidalar bazarda daha baha qiymətə satılır. Bundan əlavə, onları tapmaq da çox çətindir. İndi yediyim yemək növü eba, fufu, spagetti və ponmodur. Bütün bunlar yalnız mənim övladım olması səbəbindəndir. Mən işləməyi də dayandırmışam. Buna görə də ehtiyacım var. Bazara çıxarılacağına söz verdikləri bulyon kubları bizim kimi gündəlik lazım olan əsas zülalları ala bilməyən kasıb insanlar üçün böyük üstünlük olacaq. Bu bulyon kublarını əvvəlcə biz qiymətləndirəcəyik. Daha sonra isə onlar bazara gətiriləcək. Bizə həmin kubların tərkibində folik turşusu və vitaminlərin olduğu barədə məlumat verilib”.

Qeyd edək ki, regionun qida zənginləşdirilməsi məsələləri üzrə direktoru Avqustin Okuroa Nigeriyadakı qida çatışmazlığının kökündə iqlim problemlərinin dayandığını açıqlayıb.

“Afrikada iqlim dəyişikliyi ilə qidalanma problemləri bir-biri ilə yaxından əlaqəlidir. Əgər iqlim yüksək səviyyəli qidanın istehsalı üçün uyğun deyilsə, o halda siz istehlak etmək üçün qidanı haradan əldə edəcəksiniz? İqlimin qeyri-sabit olması kütləvi daşqın kimi problemlərlə nəticələnir. Əkin sahələri dağıdılır. Biçilməli olan əkin sahələrinin biçilməməsi də istehlak üçün lazım olan qida maddələrinin təmin olunmasını çətinləşdirir”, – o bildirib.