Bu viruslardan istifadə edildi və üzə çıxdı ki… | Alimlərdən maraqlı araşdırma

Alimlər piyləri, artıq kaloriləri yandırmağa məcbur edəcək üsul tapıblar.

Bu barədə Rusiyanın Sirius Elmi-Texnoloji Universitetinin alimləri bəyan ediblər.

Bildirilir ki, bu metod PRDM16 adlı xüsusi bir genin piy hüceyrələrinə çatdırılmasını nəzərdə tutur. Bu genin hüceyrələrə çatdırılması üçün alimlər adenoassosiasiyalı viruslardan istifadə ediblər.

Bu cür viruslar təhlükəsizdir – onlar xəstəlik yaratmır və hüceyrələrin DNT strukturuna inteqrasiya etmir.

Virus vasitəsilə PRDM16 geni birbaşa piy hüceyrələrinə daxil olur və burada yağ yandırılmasını təmin edən zülalın sintezini aktivləşdirir. Nəticədə orqanizm hətta fiziki fəaliyyət olmadan da daha çox enerji sərf etməyə başlayır.

Yeni metod piylənmə və 2-ci tip şəkərli diabetə səbəb olan mutasiyaya malik siçanlar üzərində sınaqdan keçirilib. Təcrübə nəticəsində genin çatdırılması heyvanların çəki itirməsinə səbəb olub.