Cəhənnəm istisi Braziliyanın sonunu gətirə bilər?

Braziliya bu əsrdə yaşamaq üçün yararsız hala gəlməsi mümkün olan ölkələr arasındadır.

NASA və beynəlxalq ekoloqlar belə qənaətə gəliblər.

Məlumata görə, bu xəbərdarlıq tropik bölgələrdə temperaturun fəlakətli dərəcədə artması ehtimalını ortaya qoyan araşdırmalara əsaslanır.

NASA-nın proqnozlarına əsasən, 2041-2044-cü illər arasında qlobal temperatur daha 2°C artacaq ki, bu da Braziliyanın tropik meşələrinə xüsusi təsir göstərəcək.

Braziliyalı iqlim alimi Karlos Nobrenin sözlərinə görə, söhbət təkcə Braziliyadan getmir. Əgər qlobal temperatur 4°C yüksələrsə, tropiklərin və hətta mülayim iqlim qurşaqlarının böyük bir hissəsi yaşamaq üçün yararsız hala çevriləcək.

NASA xəbərdarlıq edir ki, 2070-ci ilə qədər Braziliya da daxil olmaqla Yer kürəsinin əhəmiyyətli bir hissəsi yaşamaq üçün əlverişsiz ola bilər. Qlobal ekosistemlər artıq bu gün dağılmaqda davam edir və təxirəsalınmaz tədbirlər görülməsə, bəşəriyyət iqlim fəlakəti üzərində nəzarəti itirə bilər.