Çevriliş cəhdi necə alt-üst edildi? - Bu həbslərdən sonra elə şeylər olacaq ki...

Məhkəmə “Müqəddəs mübarizə” hərəkatının liderinin həbsi ilə bağlı vəsatəti təmin edib və arxiyepiskop Baqrat Qalstanyan iki ay müddətinə həbs edilib.

Bu barədə Ermənistan mediası məlumat yayıb.

Məhkəmə həmçinin Qarabağdan qovulan separatçı David Qalstyan, arxiyepiskop Baqrat Qalstanyanın köməkçisi Movses Şarbatyan, bloger Armen Aleksanyan və ehtiyatda olan polkovnik Miqran Maxsudyanın da barəsində iki aylıq həbs qətimkan tədbiri seçilməsinə dair vəsatəti təmin edib. Ümumilikdə 16 nəfərin həbsi ilə bağlı məhkəməyə vəsatətlər verilib.

Qeyd edək ki, Ermənistan hüquq-mühafizə orqanları “Müqəddəs mübarizə” müxalifət hərəkatının lideri arxiyepiskop Baqrat Qalstanyan və Daşnaksütyun Partiyası üzvlərinin evlərində axtarışlar aparıb. Ermənistan İstintaq Komitəsi Keşiş Baqratı və digərlərini hakimiyyəti zorla ələ keçirmə cəhdində, o cümlədən terror aktları hazırlamaqda ittiham edir. Baş verən həbslərin əsas səbəbi Paşinyana qarşı çevriliş cəhdinin olmasıdır.