Donald Trampdan mühüm paylaşım

ABŞ-nin husilərə qarşı hərbi hücumları gəmiçilik üçün təhlükə sovuşana qədər davam edəcək.

Bu barədə ABŞ Prezidenti Donald Tramp sosial şəbəkədə yazıb.

“İran tərəfindən dəstəklənən husi terrorçuları son iki həftə ərzində davamlı hücumlarla darmadağın edilib. Onların bir çox döyüşçüləri və liderləri artıq aramızda deyil. Biz onları gecə-gündüz, getdikcə daha sərt şəkildə vururuq. ABŞ gəmilərinə atəş açmağı dayandırın, biz də sizə atəş açmağı dayandıracağıq. Əks halda, həm husilər, həm də onların İrandakı himayədarları üçün əsl çətin mərhələ yetişməkdədir”, ‒ deyə Ağ Ev rəhbəri qeyd edib.

Bu arada, ABŞ Hərbi Hava Qüvvələri Yəmənin paytaxtı Sənada husilərin nəzarəti altında olan Əd-Dailami aviabazasına bir sıra zərbələr endirib.

Məlumata görə, ABŞ husilərin silah anbarlarına üç hava hücumu həyata keçirib. Hava hücumundan sonra ölən və yaralılar barədə məlumat verilmir.