Donald Trampdan qalmaqallı açıqlama | Bu iş burada bitmədi…

ABŞ-nin keçmiş prezidenti Donald Tramp 2016-cı ildə sənədləri saxtalaşdırdığına görə sonuncu dəfə hakim qarşısına çıxıb.

Məhkəmə son dinləmələrdə 34 maddə ilə ittiham olunan sabiq Ağ Ev rəhbərini təqsirli bilib.

Donald Tramp isə özünü günahkar saymayıb:

“Biz hamımız burada nə baş verdiyini yaxşı bilirik. Hər şey bəllidir. Mən səhv bir şey etməmişəm, günahsızam. Mən ölkəmiz üçün döyüşürəm. Bu qərarı Cozef Bayden administrasiyası siyasi rəqibinə verib. Mənim konstitusiyamızla heç bir problemim yoxdur. Qanunlara hörmətlə yanaşıram. Amma kim məni əmin edə bilər ki, məhkəməyə təzyiq edilməyib? Qərar qərəzsizdirmi? O da bəlli deyil. Bu iş burada bitmədi. Qalib gələnə qədər mübarizəmizi davam etdirəcəyik".

Xatırladaq ki, sözügedən sənədlərin saxtalaşdırılması və 34 ittihamla irəli sürülən tələblər siyahısına vergidən yayınma, Ağ Evin Prezidenti olarkən məlumatların ötürülməsi və s. daxildir. D.Trampın hökumətdən şikayət etmək hüququ var. Lakin bu onun prezidentliyə namizəd olmasına mane olmur. Sabiq Ağ Ev rəhbərinə qarşı irəli sürülən ittihamların cəminə görə mümkün olan maksimum cəza 136 ildir.