Dünyada “F-16”ya ən çox sahib olan ölkələr hansılardır?

Dünyada “F-16” qırıcılarına ən çox sahib olan ölkələrin siyahısı dərc edilib.

“WioNews”un dərc etdiyi siyahıda birinci yerdə ABŞ qərarlaşıb.

2023-cü ilin məlumatlarına görə, ABŞ dünyanın ən böyük “F-16” parkına sahibdir ‒ 936 döyüş təyyarəsi. Bu qırıcıların yüksək universallığı və qabaqcıl texnologiyaları sayəsində onlar geniş spektrli tapşırıqları yerinə yetirə bilir.

Siyahıda ikinci yerdə Türkiyədir. Türkiyə Hərbi Hava Qüvvələri 243 ədəd “F-16” istismar edir.

Üçüncü sıradakı İsrailin isə 224 ədəd “F-16” qırıcı təyyarəsi var. Üstəlik, İsrail digər tip müasir qırıcı təyyarələrə də sahibdir.

Misir isə bu siyahıda dördüncüdür. Misir Hərbi Hava Qüvvələrinin inventarında 218 ədəd “F-16” var.

Siyahının 5-ci pilləsində isə Tayvandır. Tayvan 202 ədəd “F-16” qırıcısına sahibdir.

Son vaxtlar Ukrayna da az sayda olsa belə, Amerika istehsalı “F-16”ların sahibi olub. Dəqiq say məxfilik səbəbilə açıqlanmır, lakin ictimai elanlara əsasən təxminən 20-30 ədəd qırıcının təmin edildiyi güman edilir.