Dünyanın ən vahiməli gölünün sirri | Burada su elə fərqlidir ki...

Natron gölü dünyanın ən gözəl göllərindən biri hesab edilir.

Onun unikal çəhrayı-qırmızı rəngi xüsusi bir cazibə yaradır. Lakin burada çimmək turistlər üçün qadağandır. Suyun tərkibi o qədər fərqlidir ki, heyvanları "daşlaşmış" hala sala bilər.

Natron gölü əsasən Tanzaniyada yerləşir, lakin bir hissəsi Keniya ərazisinə də uzanır. O, hələ də aktiv olan Ol Doinyo Lenga vulkanının kölgəsində yerləşir.

Gölün çəhrayı rəngi suyun tərkibindəki xüsusi yosunlar – sianobakteriyalarla bağlıdır. Onlar heyvanların hüceyrələrini, sinir sistemini və qaraciyərini zədələyən kimyəvi maddələr ifraz edir. Bu səbəbdən Natron gölünün suyunu içən bir çox quş və heyvan ölür.

Maraqlıdır ki, Natron gölünün suyu flaminqolar üçün təhlükəli deyil. Əksinə, göl kiçik flaminqoların çoxalması üçün əsas bölgələrdən birinə çevrilib.

Qeyd edək ki, gölə tökülən su isti mineral bulaqlardan gəlir və əsasən natrium karbonatdan ibarətdir. Bu maddə qədim Misirdə mumiyalama prosesində istifadə edilib.