Əminəm ki, bu olmayacaq | Trampdan Ukraynaya sərt mesaj

ABŞ Prezidenti Donald Tramp Ukraynanın Şimali Atlantika Alyansına qoşulmayacağına əmin olduğunu bildirib.

O, Ağ Evdə Böyük Britaniyanın Baş naziri Kir Starmerlə görüşü zamanı belə bir açıqlama verib.

Tramp həmçinin qeyd edib ki, Rusiya Ukrayna müharibəsi düşündüyümüzdən daha mürəkkəbdir.

“Mən Prezident Putin və Zelenski ilə telefon danışıqlarından razı qaldım. Hər iki tərəflə uzun-uzadı fikir mübadiləsi apardıqdan sonra bu qənaətə gəldik ki, müharibənin tezliklə başa çatması vacibdir. Komandamız da bu müharibəni dayandırmaq üçün NATO-nun Baş katibi ilə danışıb. Düşünürəm ki, biz yaxşı irəliləyiş əldə edir, düzgün istiqamətdə gedirik. Bu müharibə ya tezliklə bitəcək, ya da heç vaxt bitməyəcək. Ukraynanın Şimali Atlantika Alyansına qoşulmayacağına əminəm. NATO-ya üzvlük mövzusu real görünmür”, ‒ o əlavə edib.

Ağ Ev rəhbəri onu da bildirib ki, Ukraynada sülh istiqamətində növbəti addım atəşkəs olmalıdır. Onun fikrincə, buna tez nail olmaq mümkündür, amma kənar təziqlər və manipulyasiyalar olmasa.