Ərdoğan Avropaya çağırış etdi | NATO Liderlər Sammiti öncəsi strateji bəyanatlar - Baku TV

"Türkiyə Ankarada keçiriləcək NATO Liderlər Sammitində Avropanın alyans çərçivəsində öz müdafiə imkanlarını gücləndirməsini gözləyir".

Bunu Tükiyə Prezidenti Rəcəb Tayyib Ərdoğan Almaniya Kansleri Fridrix Mertslə telefon danışığı zamanı deyib.

Bildirilib ki, söhbət əsnasında Türkiyə-Almaniya ikitərəfli münasibətləri, həmçinin regional və qlobal məsələlər müzakirə olunub.

Ərdoğan Türkiyə ilə Almaniya arasında münasibətlərin daha da inkişaf etdirilməsini hədəfləndiyini vurğulayaraq, bunun üçün qarşılıqlı addımların davam etdirilməsinin vacibliyini qeyd edib.

O, Ankarada keçiriləcək NATO Liderlər Sammitində Avropanın alyans çərçivəsində öz müdafiə imkanlarını gücləndirməsini və transatlantik əlaqələrin qorunması üçün güclü siyasi iradənin nümayiş etdirilməsini gözlədiyini bildirib.

Ərdoğan həmçinin Türkiyənin Rusiya-Ukrayna müharibəsinin davamlı sülhlə başa çatması üçün səylərini davam etdirdiyini diqqətə çatdırıb.

Qeyd edək ki, 7-8 iyul tarixlərində Ankarada NATO Liderlər Sammiti keçiriləcək.