Ərdoğan Əsəd Həsən əş-Şeybanini qəbul etdi | Görüşdə nələr müzakirə edildi?

Türkiyə Prezidenti Rəcəb Tayyib Ərdoğan Suriyanın xarici işlər naziri Əsəd Həsən əş-Şeybanini qəbul edib.

Bu barədə Türkiyə mətbuatı məlumat yayıb.

Görüşdə iki ölkə arasındakı münasibətlər, Suriyadakı son vəziyyət, ölkənin ərazi bütövlüyünün qorunması üçün atılacaq addımlar və yenidən qurulması məsələləri müzakirə olunub.

Rəcəb Tayyib Ərdoğan görüş zamanı Suriyanın gələcəyində terror təşkilatlarına yer olmadığını vurğulayıb.

Prezident bununla yanaşı, Bəşər Əsəd rejiminin geridə qoyduğu böyük dağıntıya diqqət çəkərək Türkiyənin qardaş Suriya xalqının təcili ehtiyaclarına və ölkənin yenidən qurulması üçün görüləcək işlərə dəstək verəcəyini bildirib. Bu kontekstdə R.T.Ərdoğan Suriyaya qarşı beynəlxalq sanksiyaların aradan qaldırılmasının vacibliyini vurğulayıb.

Qeyd edək ki, mətbuata qapalı keçirilən qəbulda Türkiyənin xarici işlər naziri Hakan Fidan da iştirak edib.