Ərdoğan övladları həlak olan hərbi qruplaşma liderinə zəng etdi

Türkiyə Prezidenti Rəcəb Tayyib Ərdoğan və HƏMAS hərbi qruplaşmasının Siyasi Bürosunun rəhbəri İsmayıl Haniyə arasında telefon danışığı olub.

Söhbət əsnasında Ərdoğan Qəzzada gedən müharibə zamanı 3 oğlunun İsrail ordusu tərəfindən öldürülməsi ilə bağlı İsmayıl Haniyəyə başsağlığı verib.

Türkiyə Prezidenti ilə yanaşı, ölkənin xarici işlər naziri Hakan Fidan, Türkiyə Milli Kəşfiyyat Təşkilatının rəhbəri İbrahim Kalın və parlamentin sədri Numan Qurtulmuş da qruplaşmanın liderinə başsağlığı veriblər.